(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
12.355. అధ్యాయః 355
Mahabharata - Shanti Parva - Chapter Topics
నారదంప్రతి నరనారాయణాభ్యాం పిత్ర్యే కర్మణి విశేషనిరూపణం॥ 1॥
Mahabharata - Shanti Parva - Chapter Text

వైశంపాయన ఉవాచ। 12-355-0x(6623)(80200)
కస్యచిత్త్వథ కాలస్య నారదః పరమేష్ఠిజః।
దైవం కృత్వా యథాన్యాయం పిత్ర్యం చక్రే తతః పరం॥ 12-355-1(80201)
తతస్తం వచనం ప్రాహ జ్యేష్ఠో ధర్మాత్మజః ప్రభుః।
క ఇజ్యతే ద్విజశ్రేష్ఠ దైవే పిత్ర్యే చ కల్పితే॥ 12-355-2(80202)
త్వయా మతిమతాం శ్రేష్ఠ తన్మే శంస యథాతథం।
కిమేతత్క్రియతే కర్మ ఫలం వాఽస్య కిమిష్యతే॥ 12-355-3(80203)
నారద ఉవాచ। 12-355-4x(6624)
త్వయైతత్కథితం పూర్వం దైవం కర్తవ్యమిత్యపి।
దైవతం చ పరో జ్ఞేయః పరమాత్మా సనాతనః॥ 12-355-4(80204)
తతస్తద్భావితో నిత్యం యజే వైకుంఠమవ్యయం।
తస్మాచ్చ ప్రసృతః పూర్వం బ్రహ్మా లోకపితామహః॥ 12-355-5(80205)
మమ వై పితరం ప్రీతః పరమేష్ఠ్యప్యజీజనత్।
అహం సంకల్పజస్తస్య పుత్రః ప్రథమకల్పితః॥ 12-355-6(80206)
యజామి వై పితౄన్సాధో నారాయణవిధౌ కృతే।
ఏవం స ఏవ భగవాన్పితా మాతా పితామహః॥ 12-355-7(80207)
ఇజ్యతే పితృయజ్ఞేషు మయా నిత్యం జగత్పతిః।
శ్రుతిశ్చాప్యపరా దేవాః పుత్రాన్హి పితరోఽయజన్॥ 12-355-8(80208)
వేదశ్రుతిః ప్రనష్టా చ పునరధ్యాపితా సుతైః।
తతస్తే మంత్రదాః పుత్రాః పితౄణామితి వైదికం॥ 12-355-9(80209)
నూనం సురైస్తద్విదితం యువయోర్భావితాత్మనోః।
పుత్రాశ్చ పితరశ్చైవ పరస్పరమపూజయన్॥ 12-355-10(80210)
త్రీన్పిండాన్న్యస్య వై పిత్ర్యాన్పూర్వం దత్త్వా కుశానితి।
కథం తు పిండసంజ్ఞాం తే పితరో లేభిరే పురా॥ 12-355-11(80211)
నరనారాయణావూచతుః। 12-355-12x(6625)
ఇమాం హి ధరణీం పూర్వం నష్టాం సాగరమేఖలాం।
గోవింద ఉజ్జహారాశు వారాహం రూపమాస్థితః॥ 12-355-12(80212)
స్థాపయిత్వా తు ధరణీం స్వే స్థానే పురుషోత్తమః।
జలకర్దమలిప్తాంగో లోకకార్యార్థముద్యతః॥ 12-355-13(80213)
ప్రాప్తే చాహ్నికకాలే తు మధ్యదేశగతే రవౌ।
దంష్ట్రావిలగ్నాంస్త్రీన్పిండాన్విధూయ సహసా ప్రభుః॥ 12-355-14(80214)
స్థాపయామాస వై పృథ్వ్యాం కుశానాస్తీర్య నారద।
స తేష్వాత్మానముద్దిశ్య పిత్ర్యం చక్రే యథావిధి॥ 12-355-15(80215)
సంకల్పయిత్వా త్రీన్పిండాన్స్వేనైవ విధినా ప్రభుః।
ఆత్మగాత్రోష్మసంభూతైః స్నేహగర్భైస్తిలైరపి॥ 12-355-16(80216)
ప్రోక్ష్యాపసవ్యం దేవేశః ప్రాఙ్భుఖః కృతవాన్స్వయం।
మర్యాదాస్థాపనార్థం చ తతో వచనముక్తవాన్॥ 12-355-17(80217)
వృషాకపిరువాచ। 12-355-18x(6626)
అహం హి పితరః స్రష్టుముద్యతో లోకకృత్స్వయం।
తస్య చింతయతః సద్యః పితృకార్యవిధీన్పరాన్॥ 12-355-18(80218)
దంష్ట్రాభ్యాం ప్రవినిర్ధూతా మమైతే దక్షిణాం దిశం।
ఆశ్రితా ధరణీం పీడ్య తస్మాత్పితర ఏవ తే॥ 12-355-19(80219)
త్రయో మూర్తివిహీనా వై పిండమూర్తిధరాస్త్విమే।
భవంతు పితరో లోకే మయా సృష్టాః సనాతనాః॥ 12-355-20(80220)
పితా పితామహశ్చైవ తథైవ ప్రపితామహః।
అహమేవాత్ర విజ్ఞేయస్త్రిషు పిండేషు సంస్థితః।
నాస్తి మత్తోఽధికః కశ్చిత్కో వాన్యోర్చ్యో మయా స్వయం 12-355-21(80221)
అహమేవ పితా లోకే అహమేవ పితామహః।
పితామహపితా చైవ అహమేవాత్ర కారణం॥ 12-355-22(80222)
ఇత్యేతదుక్త్వా వచనం దేవదేవో వృషాకపిః।
వరాహపర్వతే విప్ర దత్త్వా పిండాన్సవిస్తరాన్।
ఆత్మానం పూజయిత్వైవ తత్రైవాదర్శనం గతః॥ 12-355-23(80223)
ఏతదర్థం సుభమతే పితరః పిండసంజ్ఞితాః।
లభంతే సతతం పూజాం వృషాకపివచో యథా॥ 12-355-24(80224)
యే యజంతి పితౄందేవాన్గురూంశ్చైవాతిర్థీస్తథా।
గాశ్చైవ ద్విజముఖ్యాంశ్చ పితరం మాతరం తథా॥ 12-355-25(80225)
కర్మణా మనసా వాచా విష్ణుమేవ యజంతి తే।
అంతర్గతః స భగవాన్సర్వసత్వశరీరగః॥ 12-355-26(80226)
సమః సర్వేషు భూతేషు ఈశ్వరః సుఖదుఃఖయోః।
మహాన్మహాత్మా సర్వాత్మా నారాయణ ఇతి శ్రుతిః॥ ॥ 12-355-27(80227)

ఇతి శ్రీమన్మహాభారతే శాంతిపర్వణి మోక్షధర్మపర్వణి నారాయణీయే పంచపంచాశదధికత్రిశతతమోఽధ్యాయః॥ 355॥

Mahabharata - Shanti Parva - Chapter Footnotes

12-355-2 క ఇజ్యతే ద్విజవరైర్దైవే పిత్ర్యే చ కర్మణీతి ధ. పాఠః॥ 12-355-4 పరో యజ్ఞ ఇతి ఝ. పాఠః॥ 12-355-6 మమ పితరం ప్రజాపతిం। బ్రహ్మా పరమేష్ఠీతి సంబంధః। నారదో దక్షశాపాత్ప్రజాపతేః సకాజ్ఞాత్పునర్జన్మ ప్రాపేతి హరివంశేఽస్తి। తస్య బ్రహ్మణః॥ 12-355-7 నారాయణవిధౌ తాంత్రికే పూజాదౌ॥ 12-355-8 అగ్నిష్వాత్తాదీన్పుత్రాన్ పితరో దేవా అధ్యాప్యాసురైః సహ యుద్ధార్థం గతాస్తతశ్చిరోపితానా తేషాం శ్రుతిః నష్టా న ప్రతిభాతి। తతస్తే పుత్రేభ్య ఏవ వేదమధీతయంత ఇత్యాఖ్యాయికా పురాణాంతరప్రసిద్ధా సూచితా॥ 12-355-9 పుత్రాః పితృత్వముపపేదిర ఇతి ఝ. ధ. పాఠః॥ 12-355-11 న్యస్య వై పృథ్వ్యామితి ధ. థ. పాఠః। పూర్వం పృథ్వ్యాం కుశాందత్వా తత్ర పిత్రాద్యుద్దేశేన పిండాన్న్యస్యాపూజయమితి సంబంధః॥ 12-355-14 మధ్యందినగతే రవావితి థ. ధ. పాఠః। దంష్ట్రావిలగ్నాన్మృత్పిణ్·డానితి ట. థ. పాఠః॥ 12-355-16 తిలైరప ఇతి థ. ధ. పాఠః॥ 12-355-18 పితరః పితౄన్॥ 12-355-19 విష్ణోః శాలగ్రామఇవ పితౄణాం మూర్తయః పిండా ఏవేత్యాహ। దంష్ట్రాభ్యామితి। దంష్ట్రాభ్యాం ప్రవినిర్ధూతా మృత్పిండా దక్షిణాం దిశమితి ధ. థ. పాఠః। దంష్ట్రాభ్యాం వినిధూతాంస్త్రీన్పిండానాం దక్షిణాం దిశమితి ఠ. పాఠః। ఆశ్రితా శరణీం పిండా ఇతి ఝ. పాఠః॥ 12-355-21 పిత్తామహశ్చేత్యాదినా శ్రాద్ధం సర్వం విష్ణుదైవత్యమేవేతి పిత్ర్యప్రకారో దర్శితః॥ 12-355-22 న కో మమ పితా లోక ఇతి ధ. పాఠః। కో వా మమ పితా లోకే ఇతి ఝ. పాఠః। మాతామహః పితా చైవేతి ధ. పాఠః॥ 12-355-24 ఏషా తస్య స్థితిర్విప్రేతి ఝ. పాఠః॥ 12-355-25 పితౄన్భక్త్యేతి థ. ధ. పాఠః॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.